Tennis bo'yicha navbatdagi master-klass Jizzaxda tashkil etildi

Ana shundan tadbirlardan biri bu safar Jizzax viloyatida o'tkazildi.

Jizzax viloyat sport o'yinlari va engil atletikaga ixtisoslashtirilgan bolalar-o'smirlar sport maktabi viloyatda faoliyat ko'rsatuvchi qator sport federaciyalari bilan yaqindan hamkorlikni yo'lga qo'ygan. Buning natijasida jizzaxlik sportchilarning respublika chempionati va kubok bahslaridagi natijalari sezilarli darajada oshmoqda.

Joriy yil 16 iyul kuni mazkur sport maktabi tarbiyalanuvchilari uchun tennis bo'yicha O'zbekiston chempionlari, bir qancha xalqaro turnirlar ishtirokchisi Abbos Ergashev hamda Zarnigor Dostonovalar ishtirokida mahorat saboqlari tashkil qilindi.

O'tkazilgan mahorat saboqlarida dastlab murabbiylar tennis sport turining tarixi va buguni xususida, qolaversa, o'zlarining sportda erishgan natijalari to'g'risida yoshlarga so'zlab berishdi. So'ngra sport bilan endigina shug'ullana boshlagan yoshlarga raketka va koptok bilan ishlash kabi  tennisning boshlang'ich elimentlaridan ko'nikmalar berdilar.

O'ylaymizki, bunday ibratli tadbirlar jizzaxlik umidli tennischilarning kelgusidagi bahslarda o'zining ijobiy samarasini ko'rsatadi.

Ixtisoslashtirilgan bolalar-o'smirlar sport maktabi rahbar va murabbiylari boshqa sport federaciyalari bilan ham xuddi shunday hamkorlikda mahorat saboqlarini tez-tez o'tkazib borishni rejalashtirib olishdi.