08 okt 09:29
Yangiliklar

Kurash

Termiz shahrida o'tkaziladigan xalqaro kurash musobaqasi kechiktirildi

15-19 oktyabr kunlari Termiz shahridagi “Alpomish” stadionida O'zbekiston Respublikasi Prezidenti sovrini uchun “World Series Pro” xalqaro turnirining final bosqichi hamda Al Hakim At-Termiziy xalqaro musobaqasi o'tkazilishi xabar qilingan edi.

Surxondaryo viloyati hokimligi mazkur axborotga rasmiy munosabat bildirib, nufuzli xalqaro turnirlarni o'tkazish bilan bog'liq tayyorgarlik jarayonlari yakuniga etkazilmagani sababli kurash musobaqasini o'tkazish sanasi kechiktirilganini xabar qildi.

Kurash musobaqasining o'tkazilish sanasi, vaqti hamda joyi haqida masul vazirlik, federaciya va mutasaddi tashkilotlar bilan kelishilgan holda qo'shimcha axborot berilishini malum qilamiz, deyiladi rasmiy munosabatda.