Tim o'z davlatida o'tkazilgan turnir g'olibligini begona qilmadi

Hal qiluvchi final uchrashuvida dunyoning beshinchi raketkasi, avstriyalik Dominik Tim reytingning 15-pog'onasidan joy olib turgan argentinalik Diego SHvarcmanga qarshi kortga chiqdi. Ikki soatu 25 daqiqa davom etgan bahsda mezbon tennischi muxlislar olqishida raqibini 3/6, 6/4, 6/3 hisobida mag'lub etib, bosh sovrinni o'z mamlakatida olib qoldi. 

Uchrashuv davomida 26 yoshli Tim 9 ta eys zarbasini amalga oshirdi. 27 yoshli SHvarcman esa bironta ham eys zarbasini bera olmadi. Avstriyalik tennischi o'zaro uchrashuvlarda endi 5:2 hisobida oldinda bormoqda. Tim Erste Bank Open turniridagi muvaffaqiyatli ishtiroki uchun 500 reyting ochkosi hamda 474 295 evro mukofot puliga ega bo'ldi.