To'rt tennischimiz Qozog'istondagi turnirning 1/8 finaliga chiqdi

Mukofot jamg'armasi 15 000 AQSH dollarini tashkil etuvchi ushbu musobaqada to'rt nafar tennischimiz ham o'z imkoniyatini sinab ko'ryapti. Qizig'i, ularning bari birinchi davradan muvaffaqiyatli o'tib olishdi. 

O'zbekistonning ikkinchi raketkasi Sergey Fomin rossiyalik Boris Pokotilovni 6/0, 6/2 hisobida taslim etdi. Turnirda uchinchi raqam ostida tasniflangan Fomin ATP reytingida 615, Pokotilov 981-o'rinni egallab turibdi. 

Amir Milushev rossiyalik Ivan Zaycevdan 3/6, 6/3, 6/4 hisobida ustun keldi. Reytingga kiritilmagan yosh tennischimiz Rahimbek Ibrohimov hindistonlik Nitin Kumar to'sig'idan o'tib oldi. Birinchi setni 2/6 hisobida boy bergan Sinha Kumar ikkinchi setga chiqa olmadi.  

Reytingning 1156-pog'onasida borayotgan Maksim SHin turnirning beshinchi raketkasi, dunyo reytingida 671-o'rindan joy olgan rossiyalik Evgeniy Filippovni 4/6, 7/6(5), 6/4 hisobida mag'lubiyatga uchrata oldi.