Toshkent CHellenjer. Asosiy to'rda birgina Istomin qoldi

Sovrin jamg'armasi 150 000 AQSH dollarini tashkil qiluvchi musobaqaning asosiy to'r bahslarida 5 nafar tennischimiz ishtirokini boshlagan bo'lsa, ulardan birgina Denis Istomin ikkinchi davraga yo'llanma oldi. Qolgan raketka ustalarimiz kuchli tennischilarga imkoniyatni boy berishdi.

Istedodli yosh tennischimiz Humoyun Sultonov reytingda o'zidan 300 pog'ona yuqorida turgan ukrainalik Denis Molchanovga 2 soatu 17 daqiqa davom etgan uchrashuvda 4:6, 7:5, 4:6 hisobida yutqazib qo'ydi. Undan avval Sanjar Fayziev, Jo'rabek Karimov va Temur Ismoilov ham turnirdagi ishtiroklarini yakunlashgan edi.