09 okt 15:44
Yangiliklar
Tennis
Toshkent “CHellenjer”. Denis Istomin boshladi
Poytaxtimizdagi Respublika olimpiya zaxiralari tennis maktabi kortlarida tennis bo'yicha “CHellenjer” turkumiga kiruvchi turnir davom etmoqda.
Sovrin jamg'armasi 75 000 AQSH dollarini tashkil qiluvchi ushbu turnirda bugun birinchi davra uchrashuvlari davom ettirilmoqda. Hozirgina mamlakatimizning birinchi raketkasi Denis Istomin ilk davra uchrashuvini yakunladi.
Turnirda ikkinchi raqam ostida saralangan Denis italiyalik Federiko Gayoga qarshi kortga chiqdi. Denis ATP reytingida 103, Gayo esa 227-o'rinni egallab turibdi. Bir soatu 4 daqiqa davom etgan bahsda Istomin raqibini 6:3, 6:4 hisobida mag'lub etdi. Endi u ikkinchi davada qozog'istonlik Aleksandr Bulikka qarshi bahs olib boradi.
Havola :
Manba : olamsport.com
Fikrlar