10 okt 13:39
Yangiliklar

Tennis

Toshkent “CHellenjer”. Istomin ikkinchi uchrashuvini o'tkazdi

Xabar berganimizdek, poytaxtimizda tennis bo'yicha “CHellenjer” turkumiga kiruvchi turnir davom etmoqda.

Sovrin jamg'armasi 75 000 AQSH dollarini tashkil qiluvchi ushbu turnirda bugun ikkinchi davra uchrashuvlari o'tkazilyapti. Hozirgina yakuniga etgan bahsda mamlakatimizning birinchi raketkasi Denis Istomin chorak final chiptasi uchun kortga chiqdi.

Uning raqibi qozog'istonlik Aleksandr Bublik bo'ldi. Oltmish ikki daqiqa davom etgan uchrashuvda Istomin o'zi uchun noqulay hisoblangan raqibini 7:6(6), 6:1 hisobida mag'lub etib, chorak final chiptasini qo'lga kiritdi. Ayni paytda Denis ATP reytingida 87, Bublik esa 217-o'rinni egallab turibdi.