29 apr 11:11
Yangiliklar

Boshqalar

Toshkentdagi tosh ko'tarish. Osiyo chempionati va jahon kubogi bahslaridan FOTOGALEREYA

Teglar : Tosh ko'tarish

Poytaxtimizdagi “Universal sport saroyi” da bahodirlar o'yinlari va tosh ko'tarish bo'yicha Osiyo chempionati hamda jahon kubogi bosqichi bo'lib o'tmoqda.

Bahodirlar o'yinlari va tosh ko'tarish federaciyasi bosh murabbiyi, oliy toifali murabbiy Lochin Husanovning takidlashicha, musobaqada 300 nafardan oshiq sportchi ishtirok etyapti. Mamlakatimiz sharafini himoya qilishga bel bog'laganlar orasida o'tgan yili Sankt-Peterburg shahrida bo'lib o'tgan Jahon chempionatida oltin medalni qo'lga kiritgan Javohir Qurbonov ham bor. Mohir sportchilarimizdan Asadbek O'zganboev mahoratini namoyon etadi. Qizlardan Yodgoroy Najimova, Nigoraxon O'zganboeva, Gulinur Qodirqulovalar ishtirok etmoqda. Faxriy sportchilarimizdan Ginnesning rekordlar kitobidan joy olgan, 15 karra Jahon chempioni Muhtaramxon Alieva ham qatnashadi.

Yoshlar, kattalar, havaskorlar, faxriylar, professionallar o'rtasida o'tayotgan tosh ko'tarish bellashuvlari 30 aprelga qadar davom etadi.

Ushbu musobaqadan suratlarni tomosha qiling.

Muallif: Alimurod Mamadaminov