Triatlon. Andrey SHaripov Qozog'istondagi musobaqada g'alaba qozondi

Spartakiada doirasida havaskorlar o'rtasida "Temiradam" kubogining VII bosqichi bo'lib o'tdi. Nur-Sulton, CHimkent, Moskva, Toshkent va Qarag'anda viloyatidan kelgan 38 nafar individual sportchi va 2 ta 'stafeta jamoasi sprint - 750 metr suzish, 20 km velopoyga va 5 km yugurish masofalarini bosib o'tdilar.

O'zbekistonlik Andrey SHaripov ushbu musobaqada eng yaxshi natijani ko'rsatdi (1 soat 2 daqiqa 30 soniya) va birinchi o'rinni egalladi. Ayollar o'rtasida "Temiradam" kubogi 2018 g'olibi Assel Sadvokasova (Nur-Sulton) eng yaxshi vaqtni qayd etdi: 1 soat 23 daqiqa 7 soniya. Aytib o'tish joiz, Andrey SHaripov va Assel Sadvokasova ikki yil ketma-ket "Temiradam" kubogining Qarag'anda bosqichida g'olib bo'lishdi. Ikkala sportchi ham 2018 yilgi musobaqaning umumiy hisobi bo'yicha g'olib bo'lgan edi. Jamoa bellashuvida 1 soat 11 daqiqa 6 soniya natijasi bilan Qarag'anda viloyatidagi Drive jamoasi birinchi o'rinni egalladi.

"Temiradam" triatlon kubogi - triatlon va sog'lom turmush tarzini ommalashtirish maqsadida o'tkaziladigan havaskorlar o'rtasidagi Qozog'iston milliy triatlon musobaqasi.

Eslatib o'tamiz, bu musobaqalarda Andrey SHaripovning ikkinchi g'alabasidir. Avvalroq, 2019-yil 12 va 26 may kunlari Taraz va SHimkent shaharlarida bo'lib o'tgan "Temiradam" kubogining ikkinchi va uchinchi bosqichlarida Andrey SHaripov birinchi o'rinni egallagan edi. SHuningdek, Andrey 2019-yil 5 mayda o'tkazilgan "Triatlon Sprint Tashkent" birinchi triatlon musobaqasi g'olibi. U joriy yilning 14 iyulida "IRONMAN" Astana 70.3 musobaqasida 30-34 yosh guruhida to'rtinchi o'rinni egalladi va 2020 yil 28-29 noyabr kunlari Taupo shahrida (Yangi Zelandiya) bo'lib o'tadigan 2020 yil IRONMAN 70.3 jahon chempionatida ishtirok etish yo'llanmasini qo'lga kiritdi.

O'zbekiston triatlon federaciyasi matbuot xizmati