31 may 07:42
Yangiliklar

Futbol

Turkiya O'zbekiston bilan o'yin oldidan Greciyani mag'lub etdi FOTO

Teglar : Turkiya

Turkiya terma jamoasi 2 iyun sanasida O'zbekiston bilan o'rtoqlik o'yini o'tkazishidan xabaringiz bor.

Kecha esa turklar Greciya terma jamoasiga qarshi o'rtoqlik uchrashuvida maydonga tushishdi. Biroz avval yakuniga etgan bahsda bo'lajak raqiblarimiz greklarni 2:1 hisobida taslim qilishdi. Antalyadagi "Antalya stedium"da o'tgan bahsda mezbonlardan gollarga "Roma" vakili Jengiz Under va Kenan Karaman mualliflik qilgan bo'lsa, Dimitros Kurmpelis 90+3 daqiqada javob to'pini kiritdi. Endi SHenol Gunesh jamoasini Kuper boshchiligidagi terma jamoamizga qarshi bellashuvga tayyorlaydi.

O'rtoqlik uchrashuvi

30.05.2019

"Antalya stedium"

Turkiya - Greciya 2:1

Gollar: J.Under 11, K.Karaman 17- D.Kurmpelis 90+3

Turkiya: Ugurjan CHaqir - CHaglar Soyundju, Kaan Ayxan, Nozim Sangare, Umut Merash - Kenan Karaman (Abdulqodir Omur, 46), Ozan Tufan (Og'uzxon O'zyakup, 46), Jengiz Under (Emre Belezog'lu, 80), Yusuf Yazichi (Irfan Qahveji, 46), Okay Yokushlu (Mahmut Tekdemir, 61) - Jenk Tosun (Guven Yalchin, 56).

Greciya: Aleksandros Pasxalakis - Valeryanos, Kutris, Kurbelis - Fortunis, Pelkas, Masuras, Mavrias, Siopis - Kuluris, Samaris.

Bugun Turkiya terma jamoasi himoyachisi Nozim Sangare 25 yoshga to'ldi. Terma jamoa delegaciyasi esa Nozim uchun maxsus tort tayyorlatishdi.

Sangare tortni terma jamoa bosh murabbiyi SHenol Gunesh bilan birga kesdi.

Ramziy manoda tortning birinchi bo'lagini Turkiya terma jamoasi afsonasi va sardori Emre Belozog'lu Nozimga edirib qo'ydi.

Ushbu kichik tadbir tushgacha tashkillashtirilgan edi. Kechqurun esa Gunesh Sangareni asosiy takribda maydonga tushirdi va u 90 daqiqa maydonda to'p tepdi.

Darvoqe, bugun aynan Nozim Sangare, shuningdek darvozabon Ugurjon CHaqir va Umut Merash Turkiya terma jamoasidagi debyutlarini o'tkazishdi. Bundan tashqari, 2-bo'limda maydonga tushganlardan Abdulqodir Omur va Guven Yalchin ham birinchi bor terma jamoa libosida maydonga tushishdi.