27 jan 11:20
Yangiliklar

Boks/MMA

Uaylder Ruis bilan jang bo'yicha muzokaralar davom etayotganini aytdi

Deontey Uaylder keyingi jangini katta ehtimol bilan Endi Ruis Juniorga qarshi o'tkazadi.

Avvalroq, og'ir vazn toifasida sobiq jahon chempioni, amerikalik Endi Ruis (35-2) navbatdagi jangini xorvatiyalik Filip Xrgovichga (15-0) qarshi o'tkazishi mumkinligi haqida xabar bergan edik. Biroq yana bir sobiq chempion Deontey Uaylder (43-2-1) Endi Ruis bilan jang bo'yicha muzokaralar davom etayotganini malum qildi.

"Asosiy masala – jangning qaerda bo'lishi, men turli odamlar bilan ko'p uchrashuvlar o'tkazdim. Jang yaqinlashmoqda, men Endi bilan jang qilmoqchiman va umid qilamanki u ham men bilan jang qilmoqchi", - dedi Uaylder ES News nashriga.