12 apr 08:37
Yangiliklar

Tennis

Uch kunga cho'zilgan uchrashuvda Sabina mag'lubiyatga uchradi

Turkiyaning Istanbul shahrida tennis bo'yicha ayollar o'rtasida mukofot jamg'armasi 60 000 AQSH dollarini tashkil etuvchi musobaqa bo'lib o'tmoqda.

Musobaqada hamyurtimiz Sabina SHaripova ham ishtirok etayotgan edi. Turnirda uchinchi raqam ostida saralangan SHaripova slovakiyalik Yana CHepelovaga qarshi kortga chiqdi. Birinchi setda Sabina 0:6 hisobida yutqazdi. Ikkinchi setda u muvozanatni tikladi - 6:4.

Hal qiluvchi uchinchi setning beshinchi geymidan so'ng bahs yomg'ir sabab to'xtatildi. Bu paytga kelib CHepelova 3:2 hisobida oldinda borayotgan edi. Aynan tinimsiz yomg'irlar sabab bu uchrashuv ikki kundan so'ng yakunlab qo'yildi. Uchinchi setda 6:4 hisobida zafar quchgan CHepelova keyingi bosqichga yo'l oldi.