Uch nafar tennischimiz Pokistondagi turnirda

Sovrin jamg'armasi 15 000 AQSH dollarini tashkil qiluvchi musobaqada uch nafar hamyurtimiz ham ishtirok etyapti. Ulardan ikki nafari saralash bahslarida g'olib chiqib, asosiy to'rga yo'l olishdi. 

SHonig'matjon SHofayziev saralashning final bosqichida birinchi raqam ostida tasniflangan eronlik Nadaf Hamidrizoni 4:6, 6:2, 6:3 hisobida taslim etdi. Amal Sultonbekov esa tojikistonlik Fariduni Bahodirdan 6:3, 6:3 hisobida ustun keldi. 

Saidalo Saidkarimov esa reytingi bo'yicha to'g'ridan-to'g'ri asosiy to'rda qatnashish huquqini qo'lga kiritgan. Qura natijasiga ko'ra, SHofayziev asosiy to'rning ilk davrasida turnirning to'rtinchi raketkasi yaponiyalik Sora Fukudaga, Sultonbekov pokistonlik Ahmad CHoudxariga, Saidkarimov esa rossiyalik Vladimir Polyakovga qarshi kortga chiqadi.