Uilyams 15 yil o'tib, jahon chempionlik unvonini qaytarib oldi va snuker tarixidagi eng katta gonorarga ega bo'ldi

U dramatik kechgan hal qiluvchi final uchrashuvida Jon Xigginsni 18:16 hisobida mag'lub etishning uddasidan chiqdi. 43 yoshli Uilyams 21-freymdan so'ng 14:7 hisobida oldinda borayotgandi. Lekin keyinchalik Xiggins muvozanatni tiklashga erishdi – 15:15.

So'nggi 4ta freymda yana yaxshi o'yin namoyish etgan Mark yakunda g'alabani o'z tomoniga og'dirib oldi. Uilyams 15 yillik tanaffusdan so'ng yana jahon chempioniga aylandi. SHu bilan birga Mark snuker tarixidagi eng katta gonorar summasi - 483,200 evroga ham ega bo'ldi. Uilyams 2000 va 2003 yillarda ham dunyoning eng kuchli snukerchisi deb topilgandi.