02 iyu 08:52
Yangiliklar

Tennis

Uimbldon. 15 yoshli qiz 39 yoshli Uilyamsni mag'lub etdi

London shahrida “Katta Dubulg'a” turkumiga kiruvchi Uimbldon turniri davom etmoqda.

Musobaqaning asosiy to'riga saralash bahslari orqali etib kelgan va Uimbldon rekordini o'rnatgan amerikalik 15 yoshli Kori Gauff shov-shuvli yurishini davom ettirdi. Bu safar u nomdor yurtdoshi 39 yoshli Vinus Uilyamsni musobaqadan chiqarib yubordi.

Gauff o'zidan 24 yoshga katta Uilyamslarning to'ng'ichini ikki setda ham bir xil 6:4 hisobida mag'lub etdi. Endi Kori ikkinchi davra uchrashuvida slovakiyalik Magdalena Ribarikovaga qarshi kortga chiqadi. Bu bahs ertaga bo'lib o'tadi.