15 iyu 15:19
Yangiliklar

Tennis

Uimbldon. Amerikaliklar juftlik turniri g'olibi bo'lishdi

London shahrida davom etayotgan "Katta Dubulg'a" turkumiga kiruvchi Uimbldon turnirining juftlik musobaqasi g'oliblari aniqlandi.

Hal qiluvchi final uchrashuvida g'olib chiqqan amerikalik tennischilar - Mayk Brayan va Jek Sok bosh mukofot sohibiga aylanishdi. Ular 3 soatu 39 daqiqa davom etgan bahs yakunida Yangi Zelandiya tennischisi Maykl Vinus hamda Janubiy Afrika Respublikasi vakili Raven Klaasen tandemidan 6:3, 6:7(7), 6:3, 5:7, 7:5 hisobida mag'lub etishdi.

Ikki haftalik muvaffaqiyatli ishtirok Brayan va Sokka 450 000 funt sterling mukofot puli hamda roppa-rosa 2000 reyting ochkosini taqdim etdi.