“Uimbldon”. Bugun SHaripova “Ulkan toj” g'olibasiga qarshi o'ynaydi

Musobaqaning xotin-qiz tennischilar turnirida hamyurtimiz Sabina SHaripova ham ishtirok etyapti. Tennischimiz saralashning ilk davrasida italiyalik Yasmin Paolinini 7:6, 6:3 hisobida mag'lub etgan edi. Bugun Sabina yarim final uchrashuvida Vera Zvonaryovaga qarshi kortga chiqadi. 

Rossiyalik bu tennischi faoliyati davomida ikki marta “Katta Dubulg'a” turkumiga kiruvchi musobaqalarning juftlik bahslari g'olibasi bo'lgan. Yakkalikda esa AQSH Ochiq chempionati finaliga qadar etib borgan. 

Malumot uchun, Sabina SHaripova ayni paytda jahon reytingida 133, Zvonaryova esa 141-o'rinni egallab turibdi. Tennischilar shu kungacha o'zaro bir marotaba to'qnash kelishgan. O'tgan yilning 8 sentyabr kuni Xitoyning Dalyan shahrida o'tgan o'sha uchrashuvda Zvonaryova g'alaba qozongan edi.