Uimbldon. Dasha Kasatkina yarim final ostonasida to'xtadi

Musobaqaning chorak final uchrashuvida rossiyalik Darya Kasatkina mag'lubiyat alamini totib ko'rdi. WTA reytingida 14-o'rinni egallab turgan Dasha dunyoning 10-raketkasi Anjelik Kerberga imkoniyatni boy berib qo'ydi. 

Bir soatu 28 daqiqa davom etgan chorak final uchrashuvida germaniyalik tennischi 6:3, 7:5 hisobida zafar quchdi. Endi Kerber yarim finalda latviyalik Elena Ostapenkoga qarshi kortga chiqadi.