06 iyu 13:27
Yangiliklar

Tennis

Uimbldon. Dunyoning birinchi raketkasi to'rtinchi davraga chiqdi

Dunyoning birinchi raketkasi Yannik Sinner Londonda davom etayotgan "Katta Dubulg'a" turkumiga kiruvchi Uimbldon turnirining to'rtinchi bosqich ishtirokchisiga aylandi.

Italiyalik tennischi uchinchi davrada ATP reytingida 52-pog'onada borayotgan serbiyalik Miomir Kechmanovichni ortiqcha qiyinchiliksiz mag'lubiyatga uchratdi - 6/1, 6/4, 6/2. Tennischilarning o'zaro uchrashuvlarida mutlaq ustunlik Siner tomonida - 4:0.

To'qson olti daqiqa davom etgan bahsda Yannik 11, Kechmanovich 2 ta eys zarbasini amalga oshirgan. Breyklar bo'yicha to'liq ustunlik Sinnner tomonida bo'ldi - 5 ga 0! Italiyalik tennischining to'rtinchi bosqichdagi raqibi kanadalik Denis SHapovalov hamda amerikalik Ben SHelton uchrashuvidan so'ng aniqlanadi.