28 iyu 20:02
Yangiliklar

Tennis

Uimbldon qurasi Nadal, Federer va Jokovich uchun qanday keldi?

Xabar berganimizdek, bugun London shahrida "Katta Dubulg'a" turkumiga kiruvchi Uimbldon turnirining asosiy to'r bahslariga qura tashlandi.

Sayyoramizning birinchi raketkasi, musobaqaning amaldagi g'olibi Novak Jokovich qura natijasiga ko'ra birinchi davrada germaniyalik Filipp Kolshrayberga qarshi kortga chiqadigan bo'ldi. Novak joylashgan setkaning yarmidan o'tgan yilgi yarim finalchi, musobaqaning to'rtinchi raketkasi Kevin Anderson joy olgan.

Kevin ilk bosqichda Per-Yug Erber, oltinchi raketka germaniyalik Aleksandr Zverev chexiyalik Irji Veseli bilan munosabatlariga oydinlik kiritib oladi. SHveycariyalik tennis afsonasi Rojer Federer ispaniyalik Rafael Nadal bilan bitta setkada joylashdi. Nadal yaponiyalik Yuchi Sugita, Federer esa Lloyd Xarrisga qarshi kortga chiqadi.