11 iyu 19:11
Yangiliklar

Tennis

Uimbldon. Simona Xalep Svitolinani to'xtatib qoldi

Buyuk Britaniyaning London shahrida tennis bo'yicha "Katta Dubulg'a" turkumiga kiruvchi Uimbldon turniri davom etmoqda.

Bugun yarim final uchrashuvlari o'tkazilmoqda. Sayyoramizning ettinchi raqamli tennis malikasi Simona Xalep reytingda o'zidan bir pog'ona pastda joylashgan ukrainalik Elina Svitolinaga qarshi kortga chiqdi. Bir soatu 13 daqiqa davom etgan bahsda Xalep raqibasini 6/1, 6/3 hisobida mag'lub etdi.

27 yoshli Simona ham, 24 yoshli Elina ham uchrashuv davomida bittadan eys zarbasini amalga oshirdi. Ikki tennischining o'zaro bahslaridagi hisob tenglashdi - 4:4. Amerikalik Serena Uilyams hamda chexiyalik Barbora Strikova o'rtasidagi uchrashuvdan so'ng Xalepning finaldagi raqibasi malum bo'ladi.