03 iyu 10:24
Yangiliklar

Tennis

Uimbldon. Svitolinaning ilk davradagi kutilmagan mag'lubiyati

Xabar berganimizdek, shu kunlarda London shahrida "Katta Dubulg'a" turkumiga kiruvchi Uimbldon turniri davom etmoqda.

Dunyoning beshinchi raqamli tennis malikasi Elina Svitolina birinchi davradayoq mag'lubiyat alamini totib ko'rishga majbur bo'ldi. Ukrainalik tennischi WTA reytingida 57-o'rinni egallab turgan germaniyalik Tatyana Mariyaga 7:6(3), 4:6, 1:6 hisobida yutqazib qo'ydi.

Ikki soatu 9 daqiqa davom etgan uchrashuvda Mariya 6ta, Svitolina esa bor-yo'g'i bitta eys zarbasini amalga oshira oldi, xolos. Ikki tennischining o'zaro uchrashuvlarida Tatyana 3:2 hisobida oldinga chiqib oldi. Endi olmon tennischisi ikkinchi davrada franciyalik Kristin Mladenovichga qarshi kortga chiqadi.