Uimbldon. Zverev 2:0 hisobidagi ustunlikdan foydala olmadi

Dunyoning to'rtinchi raketkasi Aleksandr Zverev musobaqadagi ishtirokini yakunladi. Germaniyalik tennischi 1/8 finalda ATP reytingida 12-o'rinni egallab turgan amerikalik Teylor Fritcga besh set natijasiga ko'ra imkoniyatni boy berib qo'ydi - 6/4, 7/6(4), 4/6, 6/7(3), 3/6.

Vaholanki, olmon tennischisi setlar bo'yicha 2:0 hisobida oldinga chiqib olgandi. U bu katta ustunlikdan foydalana bilmadi. O'zaro uchrashuvlarda ortda qolayotgan amerikalik tennischi farqni minimal darajaga olib keldi - 4:5.

Uch soatu 29 daqiqa davom etgan bahsda Zverev 19, Fritc 15 ta eys zarbasini amalga oshirgan. Teylor faoliyatida ikkinchi bor Uimbldon turnirining 1/4 finalida o'ynaydi.