Umid Ahmadjonov boshchiligidagi ishchi guruh Qarshida bir necha obektga tashrif buyurdi

Ishchi guruh avvaliga “Muruvvat” bolalar uyiga tashrif buyurdi. So'ngra Qarshi shahar olimpiya zaxiralari maktab-internati va “Nasaf” klubi akademiyasi borib ko'rildi. Keyin Umid Ahmadjonov Viloyat ixtisoslashtirilgan bolalar va o'smirlar suv sporti turlari Sport maktabida hamda Qarshi shahar bolalar va o'smirlar sport maktabida bo'ldi.

Umid Ahmadjonov bu o'quv dargohlarida tarbiyalanuvchilar uchun yaratilgan sharoitlar, ularning ovqatlanish racioni, yotoqxonasi, sport inshootlari, mashg'ulotlar maydonlari, suv havzalarini ko'zdan kechirdi. Olib borilayotgan ishlar bilan yaqindan tanishdi va kamchiliklarni bartaraf etish bo'yicha tegishli ko'rsatmalar berib o'tdi.

Kun oxirida esa  viloyat hokimligining majlislar zalida Qashqadaryoda sport, xususan, futbol sohasini rivojlantirishda olib borilayotgan ishlar, yo'l qo'yilayotgan kamchiliklar bo'yicha yig'ilish o'tkaziladi va tegishli xulosalar qilinadi.