Umid Ahmadjonov Osiyo Olimpiya Kengashi vice-prezidenti bo'ldi

Mazkur tadbirda O'zbekiston Milliy Olimpiya qo'mitasi prezidenti Umid Axmadjonov va Bosh kotib Jasur Matchanov ham ishtirok etishmoqda.

Bosh Assambleya davomida 2019-2022 yillar uchun tashkilot rahbariyatiga, Ijroiya Qo'mitasi va doimiy komissiyasiga azolar saylandi. Biz uchun ahamiyatli tomoni shundaki, Osiyo Olimpiya Kengashi vice-prezidentligi lavozimiga Markaziy Osiyo mintaqasidan O'zbekiston Milliy olimpiya qo'mitasi prezidenti Umid Ahmadjonovning ham nomzodi ilgari surildi. Saylovda ishtirok etganlar bir ovozdan Umid Ahmadjonov nomzodini qo'llab-quvvatlashdi va shu tariqa u Osiyo Olimpiya Kengashi vice-prezidenti bo'ldi.

Biz O'zbekiston Milliy olimpiya qo'mitasi, shuningdek, mamlakatimizdagi barcha olimpiya harakati ishtirokchilari nomidan Umid Mahamatdjanovichni yuksak ishonch bilan tabriklaymiz.

Eslatib o'tamiz, Umid Ahmadjonov shuningdek Markaziy Osiyo futbol associaciyasi prezidenti ham hisoblanadi.

«Menga ishonch bildirib, ovoz berganingiz uchun rahmat aytaman. Ushbu ishonch menga g'urur bag'ishlaydi, shu bilan birga bu katta masuliyat hamdir. Men ushbu lavozimda nafaqat O'zbekiston, balki butun Markaziy Osiyo mintaqasi manfaatlarini himoya qilaman. Asosiy maqsadim XOQ Ijroiya Qo'mitasi azolari safidan o'rin olishdir. Xalqaro Olimpiya qo'mitasi tarkibiga kirish uchun bor kuchimni ishga solaman«, – dedi Umid Ahmadjonov.