Universiada. Musobaqalarga start berildi

Xususan, Toshkent viloyati hududida joylashgan to'rtta oliygohlarda tahsil olayotgan talabalar ham O'zbekiston Respublikasi Vazirlar Mahkamasining 2018 yil 25 oktyabrdagi 864 – sonli qaroriga asosan  ”Universiada – 2019” musobaqalarining viloyat saralash bosqichini boshlab yuborishdi. 

Toshkent viloyati hokimligi, viloyat jismoniy tarbiya va sport boshqarmasi, O'zbekiston talabalar sporti associaciyasi, Toshkent  viloyati mintaqaviy bo'limi, O'zbekiston Yoshlar ittifoqi Toshkent viloyati kengashi, viloyatdagi oliy o'quv yurtlari bilan hamkorlikda9 - mart kuni Toshkent davat agrar universiteti stadionida CHirchiq davlat pedagogika instituti, CHirchiq shahrida joylashgan O'zbekiston davlat jismoniy tarbiya va sport universiteti, Toshkent davlat texnika universiteti Olmaliq shahar filiali hamda Toshkent davlat agror universiteti jamoalari      Universiada dasturidan joy olgan sportning futbol turi bo'yicha viloyat  saralash bosqichida ishtirok etishdi.

Qura natijalariga ko'ra, dastlab O'zbekiston davlat jismoniy tarbiya va sport universiteti jamoasi bilan mezbonlar kuch sinashishdi va 5: 2 hisobida ustun kelgan O'zDJTSU finalga yo'lga yo'l oldi. Toshkent davlat texnika universiteti Olmaliq shahar filiali va CHirchiq davlat pedagogika instituti o'rtasidagi o'yinda esa 1:2 natijasiga ko'ra chirchiqlik talaba-sportchilar qo'li baland keldi. O'zDJTSU hamda CHirchiq davlat pedagogika instituti o'rtasidagi final o'yinida 2:0 natijasi qayd etildi va O'zDJTSUning futbol jamoasi g'oliblikni tantana qilishdi. 

Musobaqa yakuniga etgach, g'olib va sovrindorlarga diplom va esdalik sovg'alarini   Toshkent viloyat jismoniy tarbiya va sport boshqarmasi boshlig'i Doniyor Rixsiboev hamda O'zbekiston talabalar associaciyasi Toshkent viloyati mintaqaviy bo'limi raisi o'rinbosari Rustam Boboqulovlar topshirishdi.

Ilhom RAHMONOV