09 sen 13:49
Yangiliklar

Tennis

US Open. 26 ta eys ham SHapovalovga yordam bermadi

AQSHning Nyu-York shahrida o'tkazilayotgan "Katta Dubulg'a" turkumiga kiruvchi US Open turnirida yarim final ishtirokchilari malum bo'ldi.

Erkaklar o'rtasidagi musobaqaning 1/4 finalida dunyoning 17-raketkasi Denis SHapovalov reytingda o'zidan 10 pog'ona pastda borayotgan ispaniyalik Pablo Karreno-Bustaga qarshi kortga chiqdi.

Kanadalik 21 yoshli tennischi 4 soatu 8 daqiqa davom etgan bahs yakunida raqibiga 6/3, 6/7(5), 6/7(4), 6/0, 3/6 hisobida yutqazib qo'ydi. Denisga 26 ta eys zarbasi ham yordam bera olmadi. 29 yoshli Karreno-Busta esa 5 ta eys zarbasini yo'lladi. O'zaro uchrashuvlardagi hisob ispaniyalik tennischi foydasiga - 4:1 ko'rinishiga keldi. Endi Busta final chiptasi uchun germaniyalik Aleksandr Zverevga qarshi kortga chiqadi.