03 sen 08:47
Yangiliklar

Tennis

US Open. 40 yoshli Serena Uilyams raketkasini g'ilofiga soldi

AQSHning Nyu-York shahrida tennis bo'yicha "Katta Dubulg'a" turkumiga kiruvchi US Open turniri davom etmoqda.

WTA reytingida 605-pog'onadan joy olgan amerikalik Serena Uilyams uchinchi davrada avstraliyalik Ayla Tomlyanovichga qarshi kortga chiqdi. Uch soatu 7 daqiqa davom etgan bahsda dunyoning 46-raketkasi bo'lib turgan Ayla 7/5, 6/7(4), 6/1 hisobida g'alaba qozondi.

Bu tennischilarning o'zaro o'tkazgan ilk uchrashuvi edi. Serena bahs davomida xuddi avvalgi uchrashuvida bo'lgani kabi 11 ta eys zarbani amalga oshirgan. Katta ehtimol bilan Uilyams professional tennischilik faoliyatini yakunladi.