23 avg 07:32
Yangiliklar

Tennis

US Open. Asosiy to'rga qura tashlandi, Jokovich Baenaga, Nadal Millmanga qarshi o'ynaydi

AQSHning Nyu-York shahrida “Katta Dubulg'a” turkumiga kiruvchi yilning so'nggi to'rtinchi turniri - US Open musobaqasining asosiy to'r bahslariga qura tashlash marosimi bo'lib o'tdi.

Unga ko'ra, sayyoramizning birinchi raketkasi, serbiyalik Novak Jokovich birinchi davrada ispaniyalik Roberto Karbales-Baenaga qarshi kortga chiqadigan bo'ldi. Ikkinchi raqam ostida tasniflangan ispaniyalik Rafael Nadal avstraliyalik Jon Millmanga qarshi bahs olib boradi.

SHveycariyalik Rojer Federerning raqibi esa saralash turniri g'oliblaridan biri bo'ladi. To'rtinchi raketka, avstriyalik Dominik Tim italiyalik Tomas Fabbiano, rossiyalik Daniil Medvedev hindistonlik Prajnesh Gunnesvaran, Karen Xachanov kanadalik Vashek Pospishil, Andrey Rublyov esa greciyalik Stefanos Cicipas bilan hisob-kitob qiladi.