05 sen 11:50
Yangiliklar

Tennis

US Open. Birinchi raketkada kutilmagan mag'lubiyat

Nyu-York shahrida o'tkazilayotgan tennis bo'yicha "Katta Dubulg'a" turkumiga kiruvchi AQSH Ochiq chempionatida kutilmagan natijalar ham qayd etilyapti.

Sayyoramizning birinchi raqamli tennis malikasi Eshli Barti shov-shuvli tarzda WTA reytingida 43-pog'onadan joy olib turgan amerikalik SHelbi Rojersga 2/6, 6/1, 6/7(5) hisoblarida imkoniyatni boy berdi va US Open turniridagi ishtirokini to'xtatdi.

Ikki soatu 8 daqiqa davom etgan bahsda 25 yoshli Barti 6 ta, 28 yashar Rojers esa 3 ta eys zarbasini amalga oshirdi. Ikki tennischining shu kungacha o'tkazgan barcha beshta uchrashuvida Eshlining qo'li baland kelgandi. Endi Rojers nimchorak finalda britaniyalik Emma Radukanuga qarshi kortga chiqadi.