US Open. Ettinchi raketkaning yurishini yapon tennischisi to'xtatdi

Erkaklar o'rtasidagi musobaqaning yakkalik bahslarida yarim finalchilar malum bo'lmoqda. Dunyoning ettinchi raketkasi xorvatiyalik Marin CHilich 4 soatu 8 daqiqa davom etgan chorak final uchrashuvida yaponiyalik Kei Nishikoriga 6:2, 4:6, 6:7(5), 6:4, 4:6 hisobida yutqazib qo'ydi. 

Bahs davomidagi 19ta eys zarbasi ham 29 yoshli CHilichga dunyo reytingida 19-o'rinni egallab turgan 28 yoshli Nishikorini mag'lub etish uchun kamlik qildi. O'zaro uchrashuvlardagi umumiy hisob Kei foydasiga bo'lib turibdi - 8:6.