30 avg 11:10
Yangiliklar

Tennis

US Open: Federer va Nadal g'alaba bilan boshlashdi

AQSHning Nyu-York shahrida tennis bo'yicha “Katta Dubulg'a” turkumiga kiruvchi US Open turnirining erkaklar o'rtasidagi bahslarida ikkinchi davra ishtirokchilari malum bo'ldi.

Sovrin jamg'armasi 24,1 million dollarni tashkil qiluvchi AQSH Ochiq chempionati g'olibligi uchun asosiy davogarlardan shveycariyalik Rojer Federer hamda ispaniyalik Rafael Nadal ilk davra uchrashuvida zafar quchishdi.

Sayyoramizning birinchi raketkasi hisoblangan Nadal ilk uchrashuvini serbiyalik Dushan Layovichga qarshi o'tkazib, 7:6 (6), 6:2, 6:2 hisobida zafar quchdi. Rojer Federer esa amerikalik Frensis Tiafodan 4:6, 6:2, 6:1, 1:6, 6:4 hisobida ustun keldi.