05 sen 10:26
Yangiliklar
Tennis
US Open. Jokovich uchinchi davra uchrashuvida kortga chiqdi
Nyu-York shahrida tennis bo'yicha "Katta Dubulg'a" turkumiga kiruvchi AQSH Ochiq chempionati davom etmoqda.
Dunyoning birinchi raketkasi Novak Jokovich bosh sovrin uchun asosiy davogar bo'lib turibdi. Serbiyalik tennischi uchinchi davrada ATP reytingining 56-pog'onasidan joy olib turgan yaponiyalik Kei Nishikorini 6/7(4), 6/3, 6/3, 6/2 hisoblarida mag'lub etdi.
Bahs 3 soatu 35 daqiqa davom etgan va unda 34 yoshli Novak 15 ta, 31 yashar Kei esa 6 ta eys zarbasini ijro etgan. Tennischilarning o'zaro uchrashuvlarida Novak katta farq bilan oldinda bormoqda - 20:2. Jokovichning 1/8 finaldagi raqibi rossiyalik Aslan Karacev hamda britaniyalik Jenson Bruksbi uchrashuvidan so'ng malum bo'ladi.
Havola :
Manba : gotennis
Fikrlar