12 sen 08:08
Yangiliklar

Tennis

US Open. Ketma-ket ikki setni yutqazgan Zverev 1/2 finalda kambek qildi

Xabar berganimizdek, AQSHning Nyu-York shahrida o'tkazilayotgan tennis bo'yicha "Katta Dubulg'a" turkumiga kiruvchi US Open turniri o'z yakuni sari yaqinlashmoqda.

Musobaqaning erkaklar o'rtasidagi ikkinchi yarim final uchrashuvi dramatik yakuni topdi. Dunyoning 7-raketkasi, germaniyalik 23 yoshli Aleksandr Zverev ATP reytingining 27-pog'onasida borayotgan ispaniyalik 29 yoshli Pablo Karreno-Bustaga qarshi kortga chiqdi.

Zverev dastlabki ikki setni 2/6, 3/6 hisoblarida boy bera turib, yakunda umumiy g'alabani ilib ketdi. Aleksandr keyingi uchta setni 6/3, 6/4, 6/3 hisoblarida o'z foydasiga hal qilib, ajoyib kambekni amalga oshirdi. Zverevga 24 ta eys zarbasi ham yordam berdi. Endi Aleksandr Zverev bosh sovrin uchun bahsda Dominik Timga qarshi kortga chiqadi.