10 sen 09:26
Yangiliklar

Tennis

US Open. “Rus derbisi”da Medvedevning qo'li baland keldi

AQSHning Nyu-York shahrida o'tkazilayotgan “Katta Dubulg'a“ turkumiga kiruvchi US Open turnirida yarim final ishtirokchilari malum bo'lmoqda.

Bugun bo'lib o'tgan chorak final bahslarning navbatdagi uchrashuvida Daniil Medvedev hamyurti Andrey Rublyovga qarshi kortga chiqdi. Ikki yarim soat davom etgan bahsda omad Daniilga kulib boqdi va u raqibini 7:6, 6:3, 7:6 hisoblarida taslim etishni uddaladi.

Bu bilan Medvedev faoliyati davomida ilk bor «Ulkan toj» musobaqalarining yarim finaliga yo'l oldi. U final yo'llanmasi uchun Dominik Timga qarshi bahs olib boradi.