02 sen 08:27
Yangiliklar

Tennis

US Open. Serena va Vinus Uilyams juftlik bahsida kortga chiqdi

AQSHning Nyu-York shahrida tennis bo'yicha yilning so'nggi "Katta Dubulg'a" turniri davom etmoqda.

US Open musobaqasining ayollar o'rtasidagi juftlik bahslarida amerikalik opa-singil Vinus va Serena Uilyamslar ilk davradayoq mag'lubiyat alamini totib ko'rishdi. Ular chexiyalik juftlik Lyusi Gradecka va Linda Noskovaga 6/7(5), 4/6 hisobida imkoniyatni boy berishgan.

Ikki soatu 10 daqiqa davom etgan uchrashuvda Serena va Vinus Uilyams 8 ta, Gradecka/Noskova 4 ta eys zarbasini amalga oshirgan. Endi chexiyalik tandem ikkinchi bosqichda chililik Aleksa Guarachi va sloveniyalik Andreya Klepach hamkorligiga qarshi kortga chiqadi.