04 sen 09:46
Yangiliklar

Tennis

US Open. Sofiya Keninning yurishi davom etadi

Amerikalik tennis malikasi Sofiya Kenin AQSH Ochiq chempionatining uchinchi davrasiga yo'l oldi.

Dunyoning to'rtinchi raketkasi bo'lib turgan 21 yoshli Sofiya 80 daqiqa davom etgan ikkinchi bosqich uchrashuvida reytingning 104-pog'onasidan joy olgan kanadalik 18 yashar Leyla Fernandesni mag'lubiyatga uchratdi - 6/4, 6/3.

Kenin 3, Leyla esa 5 ta eys zarbasini amalga oshirdi. Bu tennischilarning o'zaro ilk uchrashuvi edi. Endi Sofiya uchinchi davrada tunislik Ons Jaberga qarshi kortga chiqadi.