#uydaqol! #hayotgaqo'shil! #sportchallenge chellenjida bu safar g'oliblar geografiyasi kengaydi

CHellenjga 14-17 aprel kunlari oralig'ida 1 200dan ortiq video kelib tushdi. O'tgan safargilardan farqli o'laroq, bu safar g'oliblar geografiyasi ancha kengaydi. Agar 6-9 aprel kunlari o'tkazilgan tanlovda uloqni navoiyliklar ilib ketishgan bo'lsa, keyingi safar poytaxt vakillari jonbozlik ko'rsatishgandi.

Bu safar esa g'oliblar yurtimizning u chetidan tortib bu chetiga qadar cho'zildi, yani Andijondan to Qoraqalpog'iston Respublikasigacha bo'lgan hududni qamrab oldi.

Hakamlar hayati qaroriga ko'ra #uydaqol! #hayotgaqo'shil! #sportchallenge chellenjida 14-17 aprel kungi ishtirokchilar orasida g'oliblar quyidagicha ko'rinish oldi:

1-o'rin: Farg'ona viloyati Marg'ilon shahri “Yangi bog'” mahallasida yashovchi Akbarovlar oilasi.

2-o'rin: Andijon viloyati Izboskan tumani Poytug' shahrida istiqomat qiluvchi G'anievlar oilasi.

3-o'rin: Qoraqalpog'iston Respublikasi Mo'ynoq tumanida yashovchi Ruslan Jusipovlar oilasi.

SHuningdek, Hakamlar hayati qaroriga ko'ra chellenjda qatnashish orqali o'ziga xos matonat ko'rsatgan paralimpiyachi sportchilar – xorazmlik Sanjar Olloberganov hamda Qashqadaryo viloyati Koson tumanida istiqomat qiluvchi Ismira Islomova O'zbekiston Respublikasi Jismoniy tarbiya va sport vazirligi tomonidan maxsus sovg'a – pul mukofoti bilan taqdirlanadigan bo'ldi.

Aziz yurtdoshlar, #uydaqol! #hayotgaqo'shil! #sportchallenge chellenji davom etmoqda. SHunday ekan, uyingizda qoling, sport bilan shug'ullaning va chellenjimizda qatnashib, g'olib bo'ling!

Jismoniy tarbiya va sport vazirligi Matbuot xizmati