#uydaqol! #hayotgaqo'shil! #sportchallenge chellenjida ilk g'oliblar aniqlandi

Ushbu chellenjni tashkil etishdan maqsad, yurtdoshlarimiz orasida uy sharoitida jismoniy tarbiya va sport bilan faol shug'ullanishni keng targ'ib etishdan iborat edi. Takidlash joiz, chellenj barchada katta qiziqish uyg'otdi. Buni 6 aprelda elon qilingan akciyada qatnashish uchun shu paytgacha ko'plab video materiallar kelib tushganidan ham bilib olish qiyin emas. 

Hakamlar hayati dastlabki uch kunda chellenjga kelgan 800dan ortiq video materiallardan eng munosiblarini saralab olishda qiynalishdi ham. CHunki, ko'plab videolarda chellenj shartlariga qatiy amal qilinmagan yoki tasvirlar ancha sifatsiz olingan. Qolaversa, video materiallarni tasvirga olishda ham kreativ yondashish deyarli ko'zga tashlanmagan. SHu bilan birga yuksak did bilan tayyorlangan videolar ham yo'q emas.

Hakamlar hayati qaroriga ko'ra #uydaqol! #hayotgaqo'shil! #sportchallenge chellenjining dastlabki uch kunlik tanlovi yakuniga ko'ra g'oliblar quyidagicha ko'rinish oldi:

1-o'rin. Dmitriy Xvalchevlar oilasi - Navoiy shahri.
2-o'rin. Opa-singillar Madina va SHabnam Norpo'latova.
3-o'rin esa biryo'la ikki oila vakillariga nasib etdi. Bular navoiylik Ro'zievlar hamda andijonlik SHirievlar oilasi.

CHellenjni faol targ'ib qilgan Masuma opa Muhriddinova ham rag'batlantiruvchi mukofot bilan taqdirlanadi.

CHellenjga 9 aprel kuni yuborilgan qolgan videolar esa tanlovning keyingi kunlarida ishtirok etadi. Yana bir gap, ilk urinishda g'olib bo'lolmagan yurtdoshlarimiz yana o'z mahoratlarini sinab ko'rishi mumkin. SHunday ekan, tushkunlikka tushmasdan maqsad sari intilishda davom eting.

Darvoqe, yurtdoshlarimiz uchun #uydaqol! #hayotgaqo'shil! #sportchallenge chellenjida qatnashish qulay bo'lishi uchun Jismoniy tarbiya va sport vazirligining Feysbukdagi rasmiy kanalida Uyda qol! Hayotga qo'shil! sahifasi, Instagram kanalida esa #sportchallenge sahifalari ochildi. Endi siz o'z videolaringizni ushbu sahifalar orqali ham ulashish imkoniyatiga ega bo'ldingiz. Yurtdoshlarimizni ushbu chellenjda faol qatnashishga chorlaymiz.