22 avg 20:01
Yangiliklar

Velosport

Velotrekchilarimiz Jahon chempionatining ikkinchi kunini ham medalsiz yakunlaydigan bo'ldi

Xitoyning Loyang shahrida davom etayotgan velosportning trek yo'nalishi bo'yicha yoshlar o'rtasidagi Jahon chempionatining ikkinchi kuni ortda qoldi.

Kun davomida terma jamoamizning ikki nafar vakili — Alimardon Jamoliddinov hamda Samira Ismoilova chiqish qildi.

Skretch dasturida ishtirok etgan Alimardon afsuski, saralashdan o'ta olmadi.

Ismoilova esa bugun chiqarib yuborish guruh poygasida qatnashib, saralashdan muvaffaqiyatli o'tdi. Biroz oldin yakunlangan finalda esa Samiraga biroz tajriba etishmadi. 22 nafar velotrekchi ishtirok etgan finalda vakilamiz 12-natijani qayd etdi.

Jahon chempionatining ertangi kuni doirasida Alimardon Jamoliddinov skretch, Samira Ismoilova esa omnium dasturida g'oliblik uchun kurash olib boradi.