Vladimir Klichko: Tomas Bax Olimpiya qadriyatlarini emas, Rossiya manfaatlarini ifodalaydi

Vladimir Klichko Xalqaro olimpiya qo'mitasi prezidenti Tomas Baxni rossiyalik sportchilarning 2024 yilda Parijda bo'lib o'tadigan Olimpiada o'yinlarida ishtirok etishiga ruxsat bermoqchiligi uchun tanqid qildi.

 «Tomas Bax doim XOQ betarafligi haqida gapiradi. Gap shundaki, Bax neytral emas. U Olimpiya qadriyatlarini emas, Rossiya manfaatlarini ifodalaydi.

Sport, biznes va siyosatning bir-biriga o'xshash tomonlari bor. Ayniqsa, Olimpiya o'yinlari doimo siyosatning bir qismi bo'lib kelgan. Oq va neytral bayroq haqida gapirilganda, nemis tilida yaxshi ibora bor: «Sen ranglaringni ko'rsatishing kerak». «Agar», «lekin» degan tushunchalar yo'q. Afsuski, Bax Olimpiyadan tashqari qadriyatlarni ifodalaydi.

U tashviqotni qo'llab-quvvatlaydi. Rossiya Mudofaa vazirligi xodimlari bo'lgan va xalqaro harbiy chempionatlarda qatnashgan rossiyalik sportchilar endi navbatdagi o'yinlarda ishtirok etishni rejalashtirmoqda. Rossiya propagandasi undan foydalanadi.

Men hali birorta faol rossiyalik sportchining harbiy harakatlarga qarshi chiqqanini ko'rmadim. Bu ularni qo'llab-quvvatlashini anglatadi. Va biz allaqachon «Z» belgisini kiygan sportchilarni ko'rdik. Ular bu tashviqotni qo'llab-quvvatlamoqda.

Biz Oilamiz. Agar XOQ prezidenti o'z rangini ko'rsatmasa, oila unga bizning manfaatlarimizni himoya qilishda yordam berishi kerak. Ular bizni qo'y kabi boshqara olmaydi», - dedi Klichko.