Vondroushova "Rolan Garros" 1/4 finalida o'ynaydi

Sayyoramizning oltinchi raketkasi to'rtinchi davrada WTA reytingida 125-pog'onada borayotgan serbiyalik Olga Danilovichni ortiqcha qiyinchiliksiz mag'lubiyatga uchratdi - 6/4, 6/2. Tennischilarning o'zaro uchrashuvlaridagi hisob 2:0 ko'rinishiga keldi. 

Sakson bir daqiqa davom etgan bahsda ikkala tennischi ham bittadan eys zarbasini amalga oshirgan. Vondroushova 4 ta, Danilovich 2 ta qo'shxatoga yo'l qo'ygan. Breyklar bo'yicha ustunlik Marketa tomonida bo'ldi - 4 ga 1. Endi chexiyalik tennischi "Rolan Garros" 1/4 finalida turnirning amaldagi chempioni, dunyoning birinchi raketkasi, polshalik Iga Svyontekka qarshi kortga chiqadi.