18 okt 08:01
Yangiliklar

Tennis

VTB Kremlin Cup. Abduraimova bugun yarim finalda o'ynaydi

Rossiya Federaciyasi poytaxti Moskva shahrida tennis bo'yicha ayollar o'rtasidagi VTB Kremlin Cup musobaqasi davom etmoqda.

Turnirning yakkalik saralash bahslarida mag'lubiyatga uchragan hamyurtimiz Nigina Abduraimova endi bor etiborini juftlikdagi ishtirokiga qaratmoqda. Mamlakatimizning ikkinchi raketkasi juftlikda rossiyalik 18 yoshli Anna Kalinskaya bilan tandem hosil qilgan.

Ular kecha 1 soatu 16 daqiqa davom etgan chorak final uchrashuvida Evgeniya Rodina hamda Ayla Tomlyanovich juftligini 4:6, 6:1, katta tay-brekda 10:6 hisobida mag'lub etishdi. Bugun Nigina va Anna yarim finalda xorvatiyalik Darya Yurak hamda ruminiyalik Raluka-Yoana Olaru juftligiga qarshi kortga chiqishadi.