Western & Southern Open. Amaldagi chempion 1/4 finalga chiqdi

Musobaqaning amaldagi g'olibi hisoblangan rossiyalik Daniil Medvedev chorak final chiptasini qo'lga kiritdi. Dunyoning beshinchi raketkasi bo'lib turgan Medvedev uchinchi davra uchrashuvida reytingning 61-pog'onasidan joy olgan sloveniyalik Alyaj Bedenedan ustun keldi - 6/3, 6/3.

Tennischilar kortda 1 soatu 8 daqiqa harakat qilishgan. Bu ularning o'zaro ilk uchrashuvi edi. Endi Daniil Nyu-York "Masters" turnirining 1/4 finalida vatandoshi Karen Xachanovni mag'lubiyatga uchratgan ispaniyalik Roberto Bautista-Agutga qarshi kortga chiqadi.