01 iyu 21:21
Yangiliklar

Tennis

Wimbledon. Karolina Plishkova g'alaba bilan boshladi

Sayyoramizning uchinchi raketkasi Karolina Plishkova "Katta Dubulg'a" turkumiga kiruvchi Uimbldon turnirida muvaffaqiyatli start oldi.

CHexiyalik tennis malikasi WTA reytingining 101-pog'onasidan joy olib turgan xitoylik CHju Linga qarshi kortga chiqdi. Karolina 1 soatu 22 daqiqa davom etgan uchrashuvda 6/2, 7/6(4) hisobida zafar quchdi.

Bu tennischilarning o'zaro ilk uchrashuvi edi. Endi 27 yoshli Plishkova "Uimbldon"ning ikkinchi davrasida slovakiyalik Anna SHmidlovadan ustun kelgan puertorikalik Monika Pyuigga qarshi bahs olib boradi.