Wimbledon. Matteo Berrettini 1/2 finalda!

Dunyoning to'qqizinchi raketkasi, italiyalik Matteo Berrettini yarim final yo'llanmasini qo'lga kiritdi. U 3 soatu 4 daqiqa davom etgan chorak final bahsida reytingning 19-pog'onasidan joy olib turgan, Toshkent "CHellenjer" turnirining so'nggi g'olibi, kanadalik Feliks Ojeni mag'lubiyatga uchratdi - 6/3, 5/7, 7/5, 6/3.

Matteo uchrashuv davomida 12 ta, Feliks esa 13 ta eys zarbasini amalga oshirdi. Tennischilarning o'zaro uchrashuvlaridagi hisob 2:0 ko'rinishiga keldi. Endi Berrettini Uimbldon yarim finalida polshalik Xubert Gurkachga qarshi kortga chiqadi.