WTA International. Bugun SHaripova dunyoning 40-raketkasiga qarshi kortga chiqadi

Sovrin jamg'armasi 250 000 AQSH dollarini tashkil qiluvchi ushbu musobaqada hamyurtimiz Sabina SHaripova ham muvaffaqiyatli ishtirok etyapti. Mamlakatimizning birinchi raketkasi saralash musobaqasida rossiyalik Marina Melnikovani 6:3, 6:4, xitoylik Lu Czya-Czinni 6:3, 6:1 hisobida mag'lub etib, asosiy to'rga yo'l olgan edi.

Bugun vakilamiz asosiy to'rning ilk davrasida turnirning ikkinchi, dunyoning 40-raketkasi bo'lgan xitoylik CHjan SHuayga qarshi kortga chiqadi. Tennischilar shu kungacha o'zaro to'qnash kelishmagan. Sabina WTA reytingida 135-o'rinni egallab turibdi. 

Malumot uchun, ukrainalik maftunkor tennischi Elina Svitolina WTA International musobaqasining birinchi raqamli tennischisi sifatida harakat qiladi. SHaripova - CHjan bahsi Toshkent vaqt bilan soat 15:00da boshlanadi.