WTA International. SHaripovaning raqibasi malum, Svitolina musobaqaning birinchi raketkasi

Sovrin jamg'armasi 250 000 AQSH dollarini tashkil qiluvchi ushbu musobaqada hamyurtimiz Sabina SHaripova ham muvaffaqiyatli ishtirok etyapti. Mamlakatimizning birinchi raketkasi saralash musobaqasida avvaliga rossiyalik Marina Melnikovani 6:3, 6:4, keyin esa xitoylik Lu Czya-Czinni 6:3, 6:1 hisobida mag'lub etdi.

Qura natijasiga ko'ra, vakilamiz endi asosiy to'rning ilk davrasida turnirning ikkinchi, dunyoning 45-raketkasi bo'lgan xitoylik CHjan SHuayga qarshi kortga chiqadi. Tennischilar shu kungacha o'zaro to'qnash kelishmagan. Sabina WTA reytingida 135-o'rinni egallab turibdi.

Malumot uchun, ukrainalik maftunkor tennischi Elina Svitolina WTA International musobaqasining birinchi raqamli tennischisi sifatida harakat qiladi. Dunyoning beshinchi raketkasi hisoblangan Elina mezbonlar vakili Priscilla Xonga qarshi kortga chiqadi.