WTA reytingi. Nigina 27, Vlada esa 19 pog'onaga pastladi

Yangilangan reytingning Top-10`taligida hech qanday o'zgarish kuzatilmadi. Tennis malikalari o'tgan haftadagi o'z o'rinlarini saqlab qolishdi. Belaruslik Arina Sobolenko hamon peshqadamlikni davom ettirmoqda. U avval xabar berganimizdek, 2024 yilni karvonboshi sifatida yakunlaydi. Polshalik Iga Svyontek ikkinchi, Yakuniy WTA turniri g'olibasi amerikalik Kori Goff uchinchi o'rinni saqlab qoldi. 

Bu hafta uchun mo'ljallangan reytingda to'rt tennischimizdan ikki nafari bir pog'onadan ko'tarilgan bo'lsa, yana ikkisi yaxshigina pastga quladi. Birinchi raqamli tennis malikamiz Nigina Abduraimova 27, ikkinchi raketkamiz Vlada Yakshibarova esa 19 pog'onaga pastladi. Uzoq muddat Isroi sharafini himoya qilib qaytgan Yakshibarova roppa-rosa 800-pog'onaga tushib ketdi. Milana Maslenkova va Sabrina Olimjonova xuddi o'tgan haftada bo'lgani kabi bir o'ringa ko'tarilishdi.

WTA reytingi. 2 dekabr kungi holat:

1. (1) Arina Sobolenko (Belarus) - 9416 ochko

2. (2) Iga Svyontek (Polsha) - 8370

3. (3) Koko Goff (AQSH) - 6530

4. (4) Jasmine Paolini (Italiya) - 5344

5. (5) CHjen Cinven (Xitoy) - 5340

6. (6) Elena Rybakina (Qozog'iston) - 5171

7. (7) Djessika Pegula (AQSH) - 4705

8. (8) Emma Navarro (AQSH) - 3589

9. (9) Darya Kasatkina (Rossiya) - 3368

10. (10) Barbora Kreychikova (CHexiya) - 3214...

O'zbekistonlik tennischilarning WTA reytingidagi o'rni:

367 (340). Nigina Abduraimova – 169

800 (781). Vlada Yakshibarova – 34

1370 (1371). Milana Maslenkova – 4

1370 (1371). Sabrina Olimjonova – 4