WTA reytingi. Tennis malikalarimizning bari ko'tarildi, Top-10`da o'zgarishlar

Yangilangan reytingda hamon katta farq bilan belaruslik Arina Sobolenko peshqadamlik qilyapti. Polshalik Iga Svyontek ikkinchi, Yakuniy WTA turniri g'olibasi amerikalik Kori Goff uchinchi o'rinni band etgan. Top-10 reytingida bir nechta o'zgarishlar kuzatildi. Amerikalik Jessika Pegula va qozog'istonlik Elena Ribakina o'zaro o'rin almashib olishdi. CHexiyalik Barbora Kreychikova esa rossiyalik Darya Kasatkina bilan o'rin almashdi. 

Jessika Pegula Adelaidadagi WTA turnirida finalga qadar etib borgandi. Reytingda pastlagan Darya Kasatkina ushbu turnirning 1/4 finalida yutqazgandi. Xobart turniri chempioni Makkartni Kessler Top-50`talikda debyut qildi.

Qizig'i, yangilangan reytingda to'rt tennischimizning bari ko'tarilishga muvaffaq bo'ldi. Mamlakatimizning birinchi raketkasi Nigina Abduraimova bir pog'onaga yuqorilab, 484-o'rinni egallab turibdi. Vlada Yakshibarova 3, Milana Maslenkova va Sabrina Olimjonova 4 pog'onaga yuqoriladi. 

WTA reytingi. 13 yanvar kungi holat:

1. (1) Arina Sobolenko (Belarus) - 9656 ochko

2. (2) Iga Svyontek (Polsha) - 8120

3. (3) Koko Goff (AQSH) - 6888

4. (4) Jasmine Paolini (Italiya) - 5399

5. (5) CHjen Cinven (Xitoy) - 5325

6. (7) Djessika Pegula (AQSH) - 4801

7. (6) Elena Ribakina (Qozog'iston) - 4723

8. (8) Emma Navarro (AQSH) - 3409

9. (10) Barbora Kreychikova (CHexiya) - 3213

10. (9) Darya Kasatkina (Rossiya) - 3151...

O'zbekistonlik tennischilarning WTA reytingidagi o'rni:

484 (485). Nigina Abduraimova – 107

927 (930). Vlada Yakshibarova – 24

1370 (1374). Milana Maslenkova – 4

1370 (1374). Sabrina Olimjonova – 4